(557)                           SOUS LE RÈGNE DE CHARLES VI.                              317
Item, il voult un autre pelerinage estre fait de Paris au Saint Se­pulcre de Jherusalem par un homme à cheval, et pour ce il laissa et voult estre paié quatre vins livres Parisis.
Item, il laissa à l'euvre de l'eglise Saincte Marie à Becoly, ou diocese de Luques, quarante livres Parisis, pour acheter aourneraens pour la dicte eglise ou emploier en autres choses à la voulenté de ses heritiers.
Item, il laissa à ses serviteurs ensemble qui le serviront au jour de son decès quatre vins livres Parisis, à distribuer par ses heritiers comme bon leur semblera.
Item, il laissa à Paule Buzelin, son nepveu, quatre vins livres Parisis.
Item, il laissa et ordonna pour aidier à marier povres pucelles ses parentes huit vins livres Parisis, à les distribuer comme bon semblera par ses diz heritiers.
Item, il laissa et ordonna à despendre tant pour réparacion comme pour autres choses necessaires pour une chapelle et maison de Saint Rieule que son dit feu pere fist faire et édifier lez Luques, afin que l'en y puist dire et celebrer messes pour l'ame d'icellui defunct son pere, de sa feue mere, etde ses freres et seurs et autres amis, comme bon semblera à ses diz heritiers, la somme de quatre cens livres Pa­risis.
Item, le dit testateur laissa à l'euvre de l'eglise des Freres Augustins de Luques pour aournemens necessaires à ycelle eglise, à distribuer à la voulenté de ses diz heritiers, la somme de seze vint livres Parisis, c'est assavoir, douze vins livres Parisis pour l'aîné de lui, et quatre vins livres Parisis pour l'ame de feu messire Barthelemy Raponde, jadiz son frere.
Item, il voult et ordonna estre donné et distribué pour Dieu et en aumosne pour le salut et remede de l'ame d'icellui messire Barthelemy, son frere, la somme de quatre vins livres Parisis, comme bon semblera à ses diz executeurs.
Item, il laissa et ordonna à donner, distribuer et aumosner pour